«EKSPO-2017» halyqaralyq kórmede tanystyrylǵan ınnovasııalyq tehnologııalardyń ishinen úzdik 105 joba iriktelip, sonyń 40-tan astamyn birqatar memlekettik jáne atqarýshy organdar iske asyrýǵa kiristi. Bul týraly Úkimet úıinde ótken baspasóz máslıhatynda Energetıka vıse-mınıstri Maǵzum Myrzaǵalıev habarlady.
Energetıka mınıstrligi tańdap alǵan jobalardyń 28-i otandyq ónertapqyshtardyń týyndysy eken. Olardyń ishinde energııalyq únemdilikti arttyratyn jáne qaldyqtardy kádege jaratýǵa arnalǵan tyń tehnologııalar bar. Sonymen qatar, sheteldik avtorlardyń da kórmede usynǵan zamanaýı jobalary iriktelip alynǵan. Atap aıtqanda, nemistiń tehnologııasy energııany alysqa tasymaldaǵanda qýat kózderin únemdese, endi biri jerasty sý men topyraqtan energııa alýǵa múmkindik beredi. Paıdaly dep tanylǵan jobalardyń ishinde Belarýstyń «Trýbosfera» tehnologııasy da bar. Osy joba arqyly gazdyń qysymyn barynsha azaıtyp, óndirilgen energııany munaı-gaz salasynda keńinen paıdalanýǵa bolady eken. Buǵan qosa, aǵyn sýlardy tazartýǵa arnalǵan fın texnologııasy aýyzsýdy tazartyp qana qoımaı, sýdyń túbinde tunyp qalǵan laıdy tyńaıtqysh retinde óndirip beredi. Búginde Fınlıandııanyń bir jobasyn «Qazgıdromet» synaqtan ótkizýge kirisipti.
«Kógildir kómir» atty polıak texnologııasy qorshaǵan ortaǵa shyǵarylatyn zııandy qaldyqtardy 80 paıyzǵa tómendetedi. Kómirdiń qyzýyn da tıimdi paıdalanýǵa múmkindik beredi. Bizge mundaı texnologııa asa qajet. Sondyqtan bul tehnologııany da bolashaqta tıimdi paıdalanýǵa iriktep aldyq. Biz tańdap alǵan jobalardy tájirıbege engizý máselesimen arnaıy sarapshylar toby aınalysyp jatyr. Olardyń quramyna «Qazmunaıgaz», «QazTransGaz», «KEGOK» syndy ulttyq kompanııalardyń 40-tan astam sarapshysy jáne energetıka salasynyń kásibı mamandary, mınıstrlik pen onyń qurylymdyq bólimshelerdiń ókilderi bar», deıdi vıse-mınıstr.
Sarapshylardan quralǵan jumys toby Avstrııa, Germanııa, Nıderlandy, Reseı, Fınlıandııa syndy memleketterdiń aldyńǵy qatarly tehnologııalaryn iriktep alyp, ony tórt topqa jiktepti. Jobalardyń 27-si – munaı jáne gaz, 5-eýi – kómir men atom ónerkásibi, 44-i – energııa salasyna, basqalary ekologııa, aýany tazartý, qoqysty jaratý salalaryna toptastyrylǵan. Qazirgi ýaqytta úzdik jobalardyń 40-tan astamy 9 otandyq kompanııada zerttelý ústinde bolsa, 14 tehnologııany – eki ýnıversıtet, taǵy 12 jobany jergilikti ákimdikter qolǵa alǵan.
Vıse-mınıstr sondaı-aq, janar jaǵar maıdyń baǵasyna baılanysty qoıylǵan saýalǵa da jaýap berdi. Ol keıbir óńirlerdiń janar-jaǵarmaı quıý beketterinde benzın tapshylyǵy baıqalyp otyrǵanyn aıta kelip, onyń basty sebebi benzınniń Reseıden tasymaldaıtynynda ekenin jetkizdi. Qazirgi kúni Reseıdiń energetıka mınıstrligimen kelissózder júrgizilip jatyr. Vıse-mınıstrdiń aıtýynsha, qyrkúıektiń aıaǵyna deıin janar-jaǵarmaı quıý beketterindegi jaǵdaı túzelýi tıis.
Qymbat TOQTAMURAT,
«Egemen Qazaqstan»